成日都有報道、研究、網上討論指港女經常用錢去揀男人，尤其已經年過30的「剩犬」揀飲擇食更令人嗤之以鼻。今日我總算見到一篇比較公道的報道，指小康之家出身的女士，想揀家底相近的男士結婚，亦是情有可原。
講真，家庭背景、成長經歷對一個人的影響頗大，加上現代女性有自己的事業，想找匹配的男人都係正常。我自己都覺得見識少又無夢想的人實在難以溝通，遇過從未離開過日本的日本人，連香港在哪都唔知，都唔知同佢講乜好。或者會發聲接受訪問的都係有能力的女士，導致調查結果往往有偏見。唔係話想嫁入豪門，只係有車或有樓或有首期的男士實在少之又少搞到好似天方夜談咁。