在討論區打了篇長文，貼過來 back up

自己經驗比較 地區補習社的日文暑期班 vs 城市大學副修日文 vs 日本留學日本語專門學校
1) 地區補習社的日文暑期班
課金咗成4000蚊先上完大家的日本語頭12課，遇着個老師都幾好，但課堂時間有限，有時教唔哂就會 skip 咗D，但我讀咗半年都緊緊 pass 到4級，之後唔太跟得到，3級就 FAIL 咗。
呢D 可以平平地試下學，長期就唔建議
2) 城市大學副修日文
入U 前我已經在上述(1) 讀過下日文，所以 take Japanese 完全係屈分拉 grade。坊間的日本語學校or持續進修幾好都好，我估只有日本文化協會比得上大學課程的嚴格。我是跟一個 part-time 的日本人老師堂，唔清楚佢有幾多資格，但我發現除咗佢的心機外，教學方法主要是跟大家的日本語的教師指導書上的方法。填鴨就是用程式化的方法可以填出一樣的結果，即使老師只用日文上堂大家都可以秒懂。大學內會有更多講&聽的機會，寫作依然偏少。
3) 日本留學
我上全日制的專門學校，每日9AM-3PM，早上上課本，下午聽寫讀解等 supplement。老師的教學方法仍是很一致地填鴨，但會有多D 學完文法後要作句逐一發表，課文亦傾向社會問題、時事解讀，讀高班時作文堂要寫400字，另對考公開試的支援亦充足，係咁二操下卷，幾乎每日都有小測，保証你充份地被填鴨。但下學期會依成績再分班，有些初班的同學一下子跳到中班或高班，中間一堆文法生字無學過，我就覺得唔太好。
追加: 香港在cityu 持續進修上到2級雞精班，都有幫助，又緊緊 pass 咗2級；在 hku space 上過關西弁，聽講永遠都同一個老師教，都唔錯；另去過 hku space 搞的商業日語試驗，應該幾多同場考生都是 hku space 的學生，但個個好緊張咪雞精；仲有去過 pasona 考入學試，感覺 pasona 教的野較 old school 又死板，所以佢收咗我我都無去讀

我結論係有個好的填鴨老師, 自己又勤力的話就學得好